Afsked

Papikuujuk tusaamasaq toquvoq

Papikuujuk Rico kalaallisut oqaluttartoq ippassaq unnukkut toquvoq

Papikuujuk Rico ippassaq unnukkut toquvoq. Tamanna nammineq Facebookimi quppernerani 'Papikuujuk Rico'-mi atuarneqarsinnaavoq.

- Ajoraluartumik nalunaarutigissavarput Papikuujuk Rico unnummut qulip missaani napparsimaleriasaarluni toqukkut qimagummat, nalunaarummi allaqqavoq.

Kalaallisut oqaluttoq
Rico kalaallit oqaasii atortarneri pissutaallutik tusaamaneqalerpoq - oqalullunilu erinarsortarami. Ullussani kingulleq tikillugu piffissap annerpaani peqqeqaaq.

- Ulloq naallugu ajunngeriarluni, pisarnermisut oqalorujoorluni tassanngaannaq qulip eqqaani anersaartornera ajortippoq, kinguninngualu toquvoq.

- Tupaqqangaaratta suli upperiuminaappoq, nalunaarummi allaqqavoq.

'Takus'
Ricop qiimmassaasarnera amerlasuunit maqaasineqassaaq, kisianni piginnittuanik ingammik.

- Oqaasinngui kingulliit uannut "baj baj, takuss" puigornavianngilakka. Rico piffissanngorpat takuss'. Asavatsigit, nalunaarut attortinnartoq taama allaqqavoq.

Ricop Facebookimi 'takutitsisarnerisa' ilaat uani ataani takusinnaavat, toquneralu pillugu nalunaarut aamma takusinnaavat.

Powered by Labrador CMS