Skip to main content

Pan Am: Ussassaarutit kamaatigineqartut

Nuummi mittarfimmut nutaamut 2.200 meterisut takissusilimmut sinaakkutini natermilu ussassaarut kamaatigineqarpoq, taamaattumillu Miki Brandt Kalaallit Nunaanni Assammik Arsartartut Kattuffiani siulersuisunut ammasumik allagaqarpoq.

Sooq timersorneq politikkikkut isummanik anguniakkanillu saqqummersitsiviusariaqarnersoq, Miki Brandtip paasisinnaanngilaa.

Peerneqassasut

- Kommunreqarfik Sermersooq imaassinnaavoq aningaasaliisuusoq, kisianni tamatuma kommunip politikkikkut anguniagaanut ussassaarisoqarnissaanik pitsaanerulersitsinngilaq, Miki Brandt ammasumik allagaqarnermini allappoq, taanna aaqqissuisoqarfinnut arlalinnut nassiunneqarpoq. Assammik arsartartut kattuffiata ussassaarut itigartissimasariaqaraluaraa, taanna isumaqarpoq.

Ussassaarutit maanna peerneqarnissaat Miki Brandtip neriuutigaa.

- Neriuppunga uannga allataqarninnik GHF ussassaarutinik akuersineranut atatillugu eqqarsartilissallugit, aammalu GHF-ip akuersinini peerlugu, nuna tamakkerlugu TV-mi akunnerni arlalinni takutinneqartartoq sunniiniut piissagaa, Miki Brandt allappoq.

Timersornerup anersaava

- Timersornerup anersaavanik timersorneq ammip qalipaataa, upperisaq imaluunniit politikkikkut isummat apeqqutaatinnagit ataatsimoorfiutinneqarli, Miki Brandt oqarpoq.

Kommuneqarfik Sermersuup aamma kommunip allaffiani ussassaarummik nivinngaanikuuvoq, tassani Nuummi 2.200 meterimik takissusilimmik mittarfiliortoqarnissaannik Inatsisartut aalajangiinissaannik qulakkeerinninnissaq siunertarineqaluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER