kajumissaarut
Palasi: Kikkunnut tamanut pitsaasumik iliuuseqartassaagut
Nuummi angerlarsimaffeqanngitsut Hans Egedep Oqaluffiani poorskikkunni nereqatigiinnissamut qaaqqusaasut
Qallunaatut naalagiaqatigiittoqareersoq Hans Egedep Oqaliuffiani Nuummiittumi angerlarsimaffeqanngitsut neriartoqquneqarput sisamanngornermi illernartumi.
Iivangkiiliup atuffassissutigineqarnerani sammineqarpoq Jiisusip ajoqersukkani isigai salikkai, palasillu Aviaja Rohmannip oqaluussissutigaa inuup isigai inuuneranut oqaluttuassaqartorujussuusut.
- Allat isigaasa salinnissaat qunugisassanngilarput, soorlu Jiisusi Iivangikiiliumi taamaasiortoq. Aamma paasisariaqarparput pitsaasumik iliussagutta kisimik nuannarisagut assinganik pissannginnatsigit. Kikkut tamaasa pitsaasumik iliuuseqarfigisassavagut, Aviaja Rohmann nassuiaavoq.
Naalagiaqatigiittoqareersoq nereqatigiittoqarpoq. Sømandshjemmet qallersuutinik tunissuteqarpoq ilagiillu kikkut tamarmik nerisassaannik nassataqarlutik.
Palasit Aviaja Rohmann aamma Mãnguak Dalager kiisalu oqaluffimmi sulisut ilagiit sinniisaallu aaqqissuussineq suliaraat.