Issittoq

Paasissutissat: Qalasersuarmik piumasaqarneq saqqummiunneqartoq

Danmarkip Kalaallit Nunaatalu Qalasersuarmik piumasaqarnerat nunat allat piumasaqaataannik qalliivoq

Una nunap assinga Kalaallit Nunaata Danmarkillu FN-imi New Yorkimi tunniussaasa ilagaat
Una nunap assinga Kalaallit Nunaata Danmarkillu FN-imi New Yorkimi tunniussaasa ilagaat Udenrigsministeriet og Selvstyret Udenrigsministeriet og SelvstyretUna nunap assinga Kalaallit Nunaata Danmarkillu FN-imi New Yorkimi tunniussaasa ilagaat Udenrigsministeriet og Selvstyret Udenrigsministeriet og SelvstyretUna nunap assinga Kalaallit Nunaata Danmarkillu FN-imi New Yorkimi tunniussaasa ilagaat Udenrigsministeriet og Selvstyret Udenrigsministeriet og Selvstyret

Kalaallit Nunaata sineriaani nunaviup toqqavittaanik Danmarkip Nunattalu piumasaqaatertik ullumi saqqummiuppaat.

Qalasersuarmik 2014-imi nunat taakku piumasaqarlutik oqaaseqaatiliarisaata saniatigut tamanna pivoq.

Qalasersuup eqqaani naak aalisarneq ilaatigut maanna eqqissisimatitaagaluartoq, siunissami aningaasarpassuit tassani pineqarput, taamaattumillu Canada Ruslandilu sakkutooqarnikkut Qalasersuaq pillugu pissaaneqarniuutilernikuupput.

Nunap assinga takuuk: Qalasersuaq pillugu oqartussaaffimmik piumasaqaateqalerpugut

Atuaruk: Qalasersuup eqqaani aalisakkat tamarmik eqqissisimatinneqarput

'Imaq pillugu inatsisinik atortitsinermut isumaqatigiissut malillugu nunat allamik piumasaqaatitaqanngitsumik nunaviit toqqavii sinerissamit 200 sømil iluanni killeqarfilimmi pisinnaatitaaffigineqarput,' nunat tamalaat isumaqatigiissutaanni taama allaqqavoq (nunap assinga allaaserisap ataani takuuk).

Paasissutissanik ujaasisut
200 sømililli avataatigut piumasaqaateqarniaraanni immikkut uppernarsaatinik Naalagaaffiit Peqatigiit (NP) Toqqavinnut Ataatsimiititaliarsuanit suliarineqartussamik tunngavilersuuteqartoqartariaqarpoq.

Atuaruk: Nunatta Danmarkillu Qalasersuarmik piumasaqarnertik New Yorkimi saqqummiuppaat

Kunngeqarfik Danmark Kalaallit Nunaanni Namminersorlutik Oqartussat peqatigalugit NP-ip Toqqavinnut Ataatsimiititaliarsuannut oqaaseqaatsinik immikkoortunik pingasunik tunniussaqarput.

Sumiiffik Kalaallit Nunaata avannaaniittoq pillugu oqaaseqaat decemberip 15-iani 2014 tunniunneqarpoq.

- Sumiiffik Kalaallit Nunaata avannamut 200 sømilimit avasinnerusumiittoq 895,541 km2-it missaanik annertussuseqartoq pineqarpoq. Oqaaseqaatsit immikkoortui allat marluk Kalaallit Nunaata kujataanut (114,929 km2) tunngasoq junimi 2012-imi Kalaallit Nunaatalu avannamut kangimut (61,913 km2) november 2013-imi tunniunneqarput.

Soqutiginnittut arlaqartut
Oqaatigineqareersutut kisiatta sumiiffik avannaatungitsinniittoq piumasaqarfiginngilarput. Kalaallit Nunaata kujataani aamma imartami taamaappoq.

Kunngeqarfiup oqaaseqaataasa Kalaallit Nunaata kujataanut tunngasut piumasaqaatit Islandip piumasaqaataanut 2009-mi tunniunneqartumut, taamatullu Canadap piumasaqaataanut 2013-imi tunniunneqartumut qalleraattut paasineqarpoq.

Taakkulu saniatigut Kunngeqarfiup oqaaseqaataasa Kalaallit Nunaata avannamut kangianiittoq Norgellu oqaaseqaataa 2006-imeersoq qalleraattut paasineqarpoq. Naggataatigullu Kunngeqarfiup oqaaseqaataasa Kalaallit Nunaata avannaaniittoq Norgellu oqaaseqaataa 2006-imeersoq taamatullu Ruslandip oqaaseqaataa 2015-imeersup aporaannerat paasineqarpoq.

Atuaruk: Ilisimatooq: Danskit kalaallillu Issittumi piumasaqaataat piviusunngorsinnaavoq

Uppernarsaatit annertuut nunanit allanit tunniunneqartut Toqqavinnut Ataatsimiititaliarsuarmit suliarineqarnissaat utaqqineqalereerput.

- Taamaattumik Kunngeqarfiup piumasaqaataata Toqqavinnut Ataatsimiititaliarsuup qaqugu suliarissaneraa oqaatigiuminaatsorujussuuvoq. Suliarineqarnerinnaa ukiuni arlalinni ingerlasinnaavoq, Nunanut Allanut Ministeriaqarfik allappoq.

Uani paasisaqarnerugit
- Toqqavinnut Ataatsimiititaliarsuup suliarereerpagu nunat sinerissamut killeqarfillit piumasaqaatiminnillu qalleraaffiusut killeqarfiit pillugit piumasaqaatitik pillugit isumaqatigiinniarnissaat aallartissinnaanngussaaq.

Soqutiginnittut paasissutissat annertunerusut eqikkaanerillu, Kunngeqarfiup toqqaviit pillugit suliniutaat pillugit nittartagaani alakkarneqarsinnaapput.

A76.dk-mi atuaruk

Powered by Labrador CMS