KNR-mi taarseraanneq
Paasisimasalik: KNR-ip siulersuisui maanna nassuiaasariaqarput
Tusagassiuutinik paasisimasalik Naja Paulsen, KNR-imi siulersuisuni siulittaasoq maanna tusagassiorfimmi taarseraannersuit nassuiaaffigisariaqarai isumaqarpoq
KNR ukiut arfineq-marluk ingerlanerini tallimanik ikinnerunngitsunik pisortaqarpoq.
Nunatsinni innuttaasunut tusagassiorfiup sullissisup taarseraaffiuneranik kikkut tamarmik eqqaasinneqarput, Jacob Abelsenip ukiup affaannaani tusagassiorfimmeereerluni ippassaq taamaatinnerata kingorna.
Atuaruuk: Ukiup affaa qangiuttoq KNR-imi pisortaq nutaaq taamaatippoq
Ilisimatusarfimmi tusagassiornermut ilinniarfimmi aqutsisoq, Naja Paulsen, KNR-ip siulersuisuisa innuttaasut aamma sulisut nassuiaateqarfigisariaqaraat isumaqarpoq.
- Isumaqarpunga KNR-ip siulersuisuini siulittaasup nassuiartariaqaraa, sooq pisortaq kingulleq suliunnaarnersoq. Tassami taassuma taama nassuiaateqassalluni pisussaaffigaa, Naja Paulsen Radioaviisimut oqarpoq.
KNR.gl-mi atuaruk: KNR-p siulersuisui nassuiaasariaqarput
KNR-imi siulersuisut siulittaasuat, Nukaaraq Eugenius, ammasumik oqallinnerni nipaqanngikkajuppoq, aamma ippassaq taamaappoq.
Pisortat taarseraattuartut aamma KNR-imi sulisut toqqissisimatinnavianngikkaat, Paulsenip ernummatigaa.
- Oqartariaqarpunga KNR-imi pisortat sivikitsumik atorfeqareerlutik soraartarnerat sulisunut toqqissisimanarnavianngitsoq, Naja Paulsen oqarpoq.
Aamma atuaruk: Isumaqatigiinnissamik aamma sulerusussutsimik KNR-imi amigaateqartoq