ikuallattoq
Paarnani ikuallanneq inuunermik naleqaqqippoq
Nuummi Paarnani inissiap ikuallannera angutip 23-nik ukiullip inuuneranik aamma naleqaqqippoq
Nuummi Nuussuarmi Paarnani inissiaq arfininngormat sakkortuumik ikuallaffiusoq angutip inuuneranik aamma naleqaqqippoq.
Angut 23-nik ukiulik, inissiap ikuallannerata nalaani inissiamiittoq, Dronning Ingridillu Napparsimavissuanut uutitersimanini putsumillu najuussuisimanini pissutigalugit unitsinneqartoq, sapaammi unnukkut toqukkut qimaguppoq.
Tamanna ikuallatoqarneranut misissuinermi aqutsisup, politikommissærip Taatsi Fleischerip, Sermitsiaq.AG-mut uppernarsarpaa.
Atuaruk: Nuummi ikuallanneq angutip 23-nik ukiullip inuuneranik akeqarpoq
Pingajuat suli uninngavoq
Inuk alla, angut 21-nik ukiulik, inissiap ikuallannerani aamma isersimasoq, kisiannili ikuallattoqarnerani aneerasaartarfimmiit pississinnaasimasoq, Taatsi Fleischerip oqaluttuaraa suli napparsimavissuarmi uninngagallartoq.
Ikuallattoqartillugu paasiniaasartut teknikerit aamma toqusut timaannik misissuisartoq Danmarkimit ataasinngornermi tikissapput, ikuallattoq toqusullu toqqutigisaat misissuiffigissallugit.
Atuaruk: Assit takukkit: Nuummi Nuussuarmi inissiaq ikuallattoq