pisortatigoortoq
Paarlaanneq akisussaaffinnik oqimaatsunik pingasunik Qujaukitsumut tigusititsivoq
Anda Uldumip (D) napparsimalluni sulinngiffeqarnerani, Demokraatit naalakkersuisuni minnerusumik pingaarutilimmik atuuffeqassapput
Naalakkersuisut siulittaasuat, Kim Kielsen (S), marlunngornermi ualilaarnerani naalakkersuisooqatigiit katitigaanerigallagassaannik saqqummiussivoq.
Immikkoortut oqaluuserisassat kinguartinnerisigut aammalu siunnersuutit ilaat uani ataatsimiinnermi peernerisigut taamaaliorpoq.
Oqaluuserisassat kinguartikkai
Kalerriinertaqanngitsumik imaluunniit allakkatigut Naalakkersuisunit nalunaarutitaqanngitsumik: 'Immikkoortoq 42 Naalakkersuisunik qinersineq.' oqaluuserisassanut ilanngunneqarpoq.
Kim Kielsen (S) oqalugiartarfimmut sassarpoq, Uldumillu (D) aningaasaqarnermut naalakkersuisutut siulia, Vittus Qujaukitsoq (S), akissussaaffimmik tigusissasoq pisortatigoortumik oqaatigalugu.
Naalakkersuisooqatigiinni ullumi allanngortitsineq imaappoq:
-
Vittus Qujaukitsoq, Siumut, Aningaasaqarnermut, Aatsitassanut Nunanullu Allanut Naalakkersuisunngussaaq.
-
Randi Vestergaard Evaldsen, Demokraatit, Inuussutissarsiornermut, Suliffeqarnermut Niuernermullu Naalakkersuisunngussaaq.
Partiip oqaaseqartartua Tillie Martinussen (D) kingusinnerusukkut pisumut oqaaseqaateqarniarluni oqaluttarfimmut qaqivoq, partiimi siulittaasorisaa qaammatini pingasuni sulinngiffeqarnissani sivitsornissaanut periarfissalerlugu piumasaqarsimaneranik.
Taasinikkut akuerineqartoq
- Innuttaasut akornanni paasinnittoqarluarneranut qujanarujussuaq. Neriuppugut Anda Uldum sukkasuumik suliffimminut uterumaartoq, Martinussen oqarpoq.
Politikerit pingasut Naalakkersuisut siunnersuutaannut nutaamut akerliullutik taasiniarlutik aalajangersimapput, arfineq-pingasullu taasinnginnissartik aalajangiussimallugu. Paarlaanneq akuerineqarpoq.
Aamma atuaruk: Uldum stresserluni suliunnaarallarpoq
Aamma atuaruk: KNR: Qujaukitsup Uldumip atorfia tigugallassavaa