byjubilæum
Paamiut ukiuni 275-inngortorsiussaaq
Paamiut septembarimi ukiuni 275-inngortorsiussaaq, nipilersortartullu malunnaatillit arlallit illoqarfimmut nipilersoriarnissamut qaaqquneqarsimapput.
Annonse
Nuannannerit sapaatip-akunnerini 38-imi aamma 39-imi pissapput.
Kommuneqarfik Sermersuumi kommunalbestyrelsimut ilaasortaq, Henrik Rachlev (IA) tassunga atatillugu Paamiut saniatigut 100.000 koruuninik illoqarfiup nalliuttorsiornerani aningaasartuutinut matussusiisussanik aningaasaliiffigineqassasoq siunnersuuteqarpoq. Kommuni illoqarfimmut 150.000 koruuninik aningaasaleereernikuuvoq.
Henrik Rachlevip siunnersuutaa kommunimi tulliani kommunalbestyrelsi juunip 13-anni ataatsimiilerpat oqaluuserineqassaaq. Innersuussinermi atuarneqarsinnaavoq taakku ''nipilersortartunik angalanissamut, najugaqarnissamut, nerisaqarnissaanut, akiliutigineqartussat''.