Oslomi inuit sisamat eqqaassinermit eqqugaasut

Oslomi pinnguaatinik sammisaqartarfimmi aallaasersortoqarsimaneranut tunngatillugu pasineqartoq tigusarineqarsimavoq aallaammillu arsaarinnittoqarluni.

Inuit sisamat pinnguaatinik sammisaqartarfimmit Blå-mit Oslomi sapaatiummat aallaatissimallutik anninneqarsimasut, norskit politiivisa norskit nutaarsiassaqartitsivianut NTB-mut paasissutissiaraat.

Pisumulli tunngatillugu inuk ataaseq maannamut politiinit tigusarineqarsimavoq.

- Tigusarineqartoq angutaavoq 20-t missaani ukiulik, taannali aallaammik tigummisaqarsimavoq. Massakkuungallartoq taanna kisimiilluni pinerluuteqarsimanissaanik pasivarput. Pisoq nakkutigilluarparput, pinerluttoqarsimanermi paasiniaanermi aqutsisoq Tor Grøttum NTB-mut oqarpoq.

Angut politiinit ilisarisimaneqartoq, taanna paasissutissiivoq.

Angut taanna piffimmit qimaguteqquneqarnermi kingorna eqqaassineranut pissutaasinnaavoq. Politiit tusagassiuutinut nalunaarummi allapput.

Aftenpostenimi tusagassiortup pinerluffiusimasut oqaluttarpoq, pasineqartoq piffimmit taxanik qimaariarnerata nalaani politiinit tigusarineqarsimasoq. Tigusarinninnerulli nalaani taanna aallaammik arsaagaasimalluni.

Amerikamiu rappertartoq Kool G Rap piffimmi arfininngornerup unnukkuani tusarnaartitsivoq, aallaasersornerli taassuma tusarnaartitsineranut attuumassuteqarnersoq ilisimaneqanngilaq.

Tusarnaartitsiviusulli silataatungaani aallaasersortoqarsimanera ilimagineqartoq, VG nalunaaruteqarpoq.

Aallaasersornermit eqqugaasut qanoq innerat suli ilisimaneqanngilaq. Tamarmik angutaapput. Pingasut 20-t missaani ukiullit sisamaallu 30-t missaani ukiulik.

Aallaasersornermi katillugit arfineq pingasoriarluni seqqortoqarsimasoq, indsatslederip Hanne Nordvep NTB-mut oqaatigaa.

Powered by Labrador CMS