Aarhus
Orpippassuarni triatlonimi kalaaleq angusarissaartoq
Niels Tuutu Berthelsen Xterra Aarhus Performancemi arferngattut inissippoq - Aarhusimi maratonertoqalerpat arfininngorpat peqataassaaq aamma
Niels Tuutu Berthelsen Sisimiuneersoq Xterra Aarhus Performancemi arferngattut inissippoq sapaammi septembarip 14-ani.
Xterra Aarhus Performancemi 500 meterini naluttarput, orpippassuarni 25 kilometerini mountainbikini sikkilertoqartarluni kiisalu 7,5 kilometerini arpattarlutik. Niels Tuutu Berthelsenip akunnerit marluk 14 minutsit sekundillu 53-it atorpai.
- Sunngiusarluarnikuugama angusarissaaqaanga, naak aatsaat Triatlon-mut peqataallunga, Niels Tuutu Berthelsen oqaluttuarpoq.
Aarhusimi maratonissaaq
Maratonimi GM-ernermi ajugaasareernikuuvoq. Nulianilu Aarhusimut nooreerlutik allanik misilittaanissani soqutigilersimavaa.
- AGF Atletik angutini sunngiusaqataasarpunga, taassumalu saniatigut sunngiusaasoqarpunga Triatlon-mut. Sunngiusaasora Kalaallinik assut tapersorsuilluarpoq ikiuilluarlunilu. Sunngiusaasora nalunnermut sunngiusarluarsimavaanga sinneri sunngiusimalluaqigakkit isumannannginnamik, Niels Tuutu Berthelsen oqarpoq.
Aarhusimi maratonertoqarnerani arfininngorpat peqataassaaq.