Oquk ilinniartunik angerlatitsivoq

Perorsaanermik Ilinniarfik, Imarsiornermik Ilinniarfimmi Nuummiittumi kælderiani inaateqartoq, ilinniartuutini ilinniartitsisullu angerlartippaat.

Tamanna oqummik nassaartoqarsimaneranik tunngaveqarpoq, 'illutaalu atuisunut peqqinnanngitsutut isigisariaqarluni'.

- Inini pineqartuni ilinniartitsinerit tamarmik sulinerlu unitsinneqarallartariaqarnerat PI-p pisariaqartut isigaa, aaqqiissutissamilli piaarnerpaamik nassaarniartoqarnissaa sulissutigineqarumaartoq, ilinniartitsinerit ingerlaqqissinnaaqqullugit, aamma ilinniartut ilinniartitsisullu aallarteqqinniassammata, PI tusagassiuutinut nalunaarummi allappoq.