SIUARIARTORNERMUT APORFISSAT

Oqaluuseraarput killormulli iliuuseqarluta

Aningaasarsiornikkut siuariartornermik pilersitsinissaq, aningaasarsiornikkullu siuariartornermut tunngaviusussamik inuussutissarsiortut namminersortut pitsaasunik atugassaqartinneqarnissaat, kikkut tamarmik kissaatigaat. Namminersorlutilli Oqartussat killormut iliorput

Allaffissornersuaq aporfinnik pilersitsivoq, ingerlatsiviit nunami maani suliffinnik nutaanik pilersitsinnaasut ikiornagit, GE-p pisortaa Brian Buus Pedersen naliliivoq

Pisortat aporfissanik nutaanik nassaaqqipput, ineriartornissarlu pisortanit kissaatigineqartoq unitsillugu, taamatut naliliivoq Sulisitsisut Peqatigiiffianni, Grønlands Erhverv, pisortaq Brian Buus Pedersen.

– Politikki ataatsimoortoq, kikkut tamarmik suleqataaffigisinnaasaannik politikkikkut anguniagalik takorluugalillu ujartorparput. Maanna allaanngilaq naalakkersuisoqarfiit tamarmik nammineq kissaatigisartik malillugu iliortartut. Assersuutigalugu aalisarnermi tamanna takuvarput, aalisarnermut naalakkersuisoqarfik aningaasaqarnermullu naalakkersuisoqarfik tamarmik immikkut ingerlatsillutik, taanna oqarpoq.

Ajornartorsiutit angisuut sisamat

Sulisitsisut Peqatigiiffiata ajornartorsiuterujussuit sisamat, aningaasarsiornikkut siuariartornermut sinaakkutassanik pitsanerusunik aporfissiisut, tikkuarpai.

Assersuutigalugu sulisut ajunngitsorsiaat, soorlu internetti ilaalu ilanngullugit, akileraaruserneqartarput, tamatumalu saniatigut pappiaqqanik nalilinnik niuernikkut isertitat illunillu niuernikkut isertitat akileraaruserneqartalerniarput.

– Akileraarutinik aaqqissuusseqqinneq pitsaassagaluarpoq, tassuunakkut pingaartumik akissaatikinnerpaanut akileraarutit apparlugit, ajunngitsorsiallu aammalu aningaasanik niuernikkut isertitat akileraaruserlugit, aappaannaali atorneqarpoq, tamannalu isumaqarpoq ataatsimut isigalugu akileraarutit qaffanneqartut, Brian Buus Pedersen nassuiaavoq.

Oqaluttuaq tamaat Sermitsiami sapaatip akunnerani saqqummersumi atuaruk, aamma ajornartorsiuterujussuit sisamat pineqartut pillugit Brian Buus Pedersenip isumaa atuaruk. Aviisi aamma uani pisiarisinnaavat:

Powered by Labrador CMS