Oqaluttuat eqqunngitsut Facebookimit qatsunneqarput
Facebookimi salloqittaatit oqaluttuallu tupinnartut eqqunngitsut piiarneqartalissapput
Inuit attaveqatigiittarfiini soorlu Facebookimi atugaqartut oqaluttuat tupinnartut eqqunngitsut kiisalu salloqittaassutit qatsuppaat. Taakkumi amerliartuinnavipput.
Taamaattumik Facebookip oqaluttuat taamaattut piiartalissavai.
- Facebookimi atugaqartut oqaluttuat eqqunngitsorpassuit qatsuppaat, Facebookimi sulisut Erich Owens aamma Udi Weinsberg allapput.
- Oqaluttuat taamaattut nutaarsiassanngorlutik takkuttarput - iluanaarniaataasarlutillu soorlu allaqqasoqarsinnaasarluni 'una toorukku akeqanngitsumik kaffimik eqquisinnaavutit' imaluunniit 'angut Utah-mi aneertilluni dinosaurimik takusaqarpoq'.
Atuisut ilaannikkut Facebookimi ikinngutiminnut ingerlateqqittaraat sulisut oqaatigaat. Kingornatigullu atuisut paasisarpaat salloqittagaasimallutik, taamaasillutillu ingerlateqqitartik peeqqittarlugu.
Taamaattumik Facebookimik ingerlatsisut nutaaliorniarput oqaluttuanik tamakkuninnga ikilisaaniarlutik. Iluanaarutiginiarlugu taamatut salloqittaasunik pasitsaassaqaraanni nalunaarfissaqalissaaq, oqaluttuallu aamma eqqunngitsuusimasinnaassappata mianersoqqussummik nuisasoqalertassalluni.
- Taamaakkaluartoli nalunaarutigineqartut tamaat peertassanngilagut, nalunaaruteqartaliinnassaagut oqaluttuaq pasinartuusoq eqqunngitsuuneranik.
Quiasaarutit peerneqartalissanngitsut Facebookimit oqaatigineqarpoq.
- Quiasaarutinik saqqummiussisoqaraangat inuit nalunaarutigineq ajoraat malugisareerparput. Tamakkununnga tunngasut attortarnavianngilagut.