ataatsimiititaliaq
Oqaluttuarisaanermik ilisimasalik: Kalaallit Nunaat nunasiaataanikuunngilaq
Ilisimatusarfimmi dr.phil. Thorkild Kjærgaardip Kalaallit Nunaat nunasiaataanikuunnginneranik nassuiaataa atuaruk
Naalakkersuisut saammaasseqatigiinnissamik ataatsimiititaliamik suliaqarput, tassani Danmarkimik nunasiaataasimanerup aqqutaani iluarsagassat suliarineqarnissaat anguniarneqassalluni, kiisalu pisortatigoortumik utoqqatsertoqarnissaa aamma neriuutigineqarluni.
Ilisimatusarfimmi oqaluttuarisaanermik ilisimasalik dr.phil. Thorkild Kjærgaard ataatsimiititaliap pilersinneqarnissaa pillugu oqallinnermi ilannguppoq, sooq taamaattumik ataatsimiititaliaqassanersoq tassani apeqquserlugu.
Ataatsimiititaliaq apeqquserpaa tunngavigalugu Kalaallit Nunaat nunasiaataanikuunngimmat.
- Kalaallit Nunaat nunasiaataasimasoq oqaatigineqartarpoq, oqaluttuarisaanerli qiviaraanni tamanna ilumuunngilaq Thorkild Kjærgaard oqarpoq nangillunilu:
- Hans Egede 1721-mi Kalaallit Nunaaliarami nunasiaammukanngilaq. Norgep ilaanut 'Norgesveldet'-imukartoruna. Taamaattumik kalaallit danskinut norskinullu naligiimmik isigineqarput, Thorkild Kjærgaard oqaluttuarpoq. 1945-mi USA USSR-ilu nunarsuarmioqatitsinnut suaaruteqarput nunasiaateqarnatik, europamiut nunasiaateqartarnerat taamaasillutik unitsinniarsaralugu.
Ilisimatusarfimmi dr.phil. Thorkild Kjærgaardip allataa jp.dk-mi atuarneqarsinnaavoq