Skip to main content

Oqaluffitoqaq katersugaasivinngortinneqartoq

Tallimanngormat Sisimiuni, Berthelip oqaluffia, piffissap ilaani atuarfiusimasoq annertuumik aserfallatsaalineqareerluni katersugaasivittut atorneqalerpoq.

Sisimiuni 1775-mi kunngit pingasut ulluani qamutilittartoqarpoq. Qamutilittarneq Berthelip oqalluffiata atoqqaarfissiorneqarneranut pissutaavoq, oqaluffillu taanna Nunatsinni kalaallit nammineq suliniutigisimavaat arferillu sisamat orsuannik oqaluffik akilerneqarsimalluni.

Ullorsiorneq

Ulloq 28. april 2017 Berthelip oqaluttuarisaanermini takisuumi nutaamik kapitalitaarnera ullorsiorneq minnerulersinngilaa. 2004-miilli imaqaranilu aserfallassimaqisoq, 2016-milu iluatungaa annertuumik aserfallatsaalineqarnerata kingorna katersugaasivittut atorneqarsinnaalersippaa. Nunatta Katersugaasiviani Allagaateqarfianilu pisortaaneq, Daniel Thorleifsen, ammaanersiornermi oalugiartussatut aggersangaasimavoq, Sisimiunilu meeqqat erinarsoqatigiivi erinarsortorineqarlutik. Illoq Sisimiut & Kangerlussuaq Museumimi 1700-kunni upperisarsiornermut tunngassutilinnik digitalikkut saqqummersivittut ilaatigut atugarissavaa.

- Illoq iseruminarluinnartoq ammaanersiorneqarneratigut, Nunatsinni katersugaasveqarfiit pisuunnguallaatigaat. Inuit upperisaat inuunermi najoqqutarisaat upperisarsiornerallu sanileriisillugit saqqummersitsineq nutaaliorneruvoq aammalu 1700-kkunni upperisarsiorluni naapeqatigiinnerup isumaanik takussutissiinerulluni, Daniel Thorleifsen oqarpoq.

Arferit orsuannik akilerneqartoq

Oqaluffik 1775-mi atoqqaartinneqarmat kristumiussuseq Nunatsinni nutaatut suli isigineqarpoq, Sisimiulli eqqaani najugaqartut tamarmik kuisimasuunatik. Illoqarfimmilu kalaallit ilagiivisa arferit orsuanik katersillutik oqaluffik akilersimavaat. Taakku allagaat orsuillu Danmarkimut nassiussimasaannit paasisimavarput, aammalu 1773-mi danskit avisianni kalaallisut naqinneqarsimalluni.

- Aviisi allakkammik imalik oqaluffiup "kuisissutigaa", originalialu saqqummersitani kingullerni takuneqarsinnaalluni. Ullut allanngorneqalerfiat takutikkusussimavarput, aammalu najukkami upperisatoqqap upperisarsiornerulli nutaap aporaaffeqarsimanera takutikkusussimallutigut. Meerartaarneq ajulernermi piniakkatigulli ajorsarnerup nalaani angakkoq imaluunniit ajoqersuiartortitat sorleq upperineqassava?, Sisimiut & Kangerlussuulli katersugaasiviani aqutsisoq, Christine Løventoft, oqarpoq.

Oqaluffiusinnarluni atuarfinngortoq

1920-kkunni illoq oqaluffittut atorunnaarneqarnerata kingorna, marlunnik ineerartalerlugu atuarfiliarineqarsimavoq. Taamani sukarsui pequtaalu tamarmik piiarneqarsimapput. Pequtigisimasaanilu oqaluffitoqqat qalipakkat kisimik tammatsaalisarneqarsimapput taakkuli maanna katersugaasivittaamut utertinneqarput. Illup sukarsui 2016-mi ikkussuuteqqinneqarsimapput, katersugaasiviulli tupaallaatigeqisaanik iikkat qalipaatitoqaanik tassa tungujortumik aappaluttumillu qalipanneqarsimallutik.

Ikkaamilu kingartornerit assilissanik qallerumanagit katersugaasiviup allakkat tamaasa touchskærminut pingasut nuussimavaat. Taamaaliornikkulli oqaatsit sisamat atorlugit paasissutissartaat saqqummiunneqarsinnaalerlutik, taamaalillutik takornariarpassuit katersugaasivinnut pulaarnerminni atorluarsinnaassavaat.

Aningaasaateqarfiit arlallit tapeqqataasut

Saqqummersitsineq Augustinus Fondemit Knud Højgaards Fondimillu aningaasaliiffigineqarpoq. Asorfallatsaaliineq Den A.P. Møllerske Støttefondinip katersugaasiviulli ukiuni arlalinni ingerlatsinermi missingersuutaanni immikkoortitserisarnikkut aningaasaliiffigineqarsimalluni. Asorfallatsaaliinermi Center for Bygningsbevaring siunnersortigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER