Ilagiit naalagaaffiup tapersersugai
Oqaluffimmi apersortitsineq nuannarineqarluartoq
Danskit apersortitseriaasiat ileqqunik Guutimullu uppernermik aallaveqartoq, Norskit, Svenskit Tyskillu tupigusuutigaat.
Apersortitsineq oqaluffini soqutigineqarpaasartoq Politiken Søndag, allaaserinnippoq. Ilagiit naalagaaffiup tapersersugaanni tuusintilikkuutaat peqataafiunnaarlugu nalunaarsimapput. Ukiunilu kingullerni qulini danskit kuisitsisut, katittut ilisaasullu ikiliartuinnarsimapput. Taamaakkaluartoq 2007-miik maannamut apersortittartut suli nikingatik 70 procentiusimapput, Politiken Søndag allappoq.
Ileqqut upperisallu nuannaartorineqarput
Tunissutissat nuannannarrillu inuusuttut pissutaatinneq ajorpaat. Ileqqut Guutimullu upperneq nuannarineqarnerpaani tallimaattut inissisimavoq. Nuannanneq, tunissutisiat kammalaatillu pingajuattut, sisamaattut tallimaattullu inissisimasut misissuinerit takutippaat, Politiken Søndag allappoq.
- Angajoqqaat ilimagisaanniit inuusuttut apersortittut pingaartitaqarnerupput. Atuinerinnarmiinngilaq, taama isummerfiginaveersaassavagut. Inuusuttut pineqartut nuannattoqarnissaanik piareersaateqaannanngillat, Suzette Munksgaardi Politiken Søndagimut oqarpoq. Suzette CUR, Center for Ungdomsstudierimi pilersaarusiornermik aqutsisuuvoq, ilisimatusarnikkut paasisanullu katersuutitsivik Frederiksbergimi UC Diakonissenimut atasoq. Sociologi Kirsten G. Juul suleqatigiillutik marlunnik nalunaarusiorsimapput apersuinernik apeqqarissaarnernillu imaqartut "Milleniumkonfirmander" atuagarlu ’Ung i en præstationskultur’.
Nunat allat tupigusuttut
- Norge, Sverige, Tysklandillu tupigusuutigisarpaat qanoq isilluta Danmarkimi 70 procentit angullugit apersortitsinnissamut piareersartitsisarnersugut. Nipilersornermik pizzatornermilluunniit misigisassaqanngillat kisiannilu sapaatit akunnikkaarlugit apersortinnissamut piareersarneq pineqarpoq, Munksgaardi, Politiken Søndagimut oqarpoq.
Inuusuttut apersortinnissamut atatillugu paasiniaasarput, tamannalu angerlarsimaffimmini pissarsiarisinnaaneq ajoraat Munksgaard isumaqarpoq. Inuusuttut pingasuungaangata marluk oqaluttuartarput angajoqqaaminnik upperisarsiornermik inuunerillu isumaanik oqaloqateqartaratik. Inuusuttunut angajoqqaat "upperisarsiornikkut piitaajuitsuusut" Suzette Munksgaardip oqaatigai.