Eqqumiitsulianik saqqummersitsineq
Oqaatsit takuneqarsinnaanngorlugit tarrarsortitat
Assilissat kiinnat isikkuinik assigiinngitsunik arlalinnik, isummakkut qanoq issutsimik takutitsisunik assiliartaqarput, Kleemannillu oqaatsit atorlugit inuiaqatigiittut nalitsinni unammilligassatsinnik isummersorneranik akoorneqarlutik. Eqqumiitsuliat Ivalo Frankip titartagarivai qalipangaralugillu.
Eqqumiitsuliat Nuummi Eqqumiitsuliornermik Katersugaasivimmi sisamanngortpat saqqummersinneqassapput, imatulli oqaasertalerneqarsimallutik:
- Eqqumiitsuliortut aqqut aaliangersimasoq ingerlaarfiginngilaat, karsinut immikkoortitaakkanut naammagutinngillat, pituttorneqarsinnaanatillu.Saqqummersitsineq pilersinneqareersimallunilu suli suliarineqarpoq, uagullu peqataatinneqarluta.
Saqqummersitat majip ulluisa 21-at ilanngullugu takuniarneqarsinnaapput
Oqaatigineqartut oqaatigineqanngitsunik ersersitsinissaat
- Oqaatsit atorneqartut takuneqarsinnaasunik tarrarsortinnissaat, aamma oqaatigineqartut oqaatigineqanngitsunik ersersitsinissaat isumaavoq. Inoqatitsinnik paasinnittarnitta ilarujussua misiginngisatsinnik pisarpoq, saqqummersitsinerlu misigisimasanngisatsinnik misissuineruvoq. Amerlasuutigut malunnanngitsumik isit takutitaat, qarnup equtinneri, eqinganerit sammivii. Taamaattumik oqaatsit, oqaasertaliussat, assitigut oqaasertaliussat aamma takutitsineq assigiimmik annertoqatigiiaamik atorlugit eqqumiitsuliortut suliaqarput – sapinngisaq tamakkerlugu saqqummersitamik takuniaasoq toqqaannartumik sunnerniarlugu.
Gyldendalimiik qaaqquneqartut
Eqqumiitsuliortutut suleqatigiit taakku 2016-imi – Gyldendalip litteraturtidsskriftianit Kritikimit – assilissanik taallanillu "In your facemik" taaguutilimmik saqqummersitsinissaminnut peqatiserineqarput.
Saqqummersitsineq Nuummi Eqqumiitsulianik Saqqummersitsiviup suliarisimavaa, Namminersorlutik Oqartussat Tips- og Lottomidler aqqutigalugit aningaasanik tapiisuupput, aammattaaq Royal Arctic Line-i tapiisimapput.