qinersineq
Oqaatsit pillugit politikki siammasissoq
Lars-Emil Johansen nuannaarutissaqartugut oqaatigaa: Nunatsinni kalaallisut oqaaseqanngitsortatsinnut isumaginnilluarpugut
- Isumaqarpunga tulluusimaarutigisinnaalluaripput uagut maani Nunatsinni kalaallisut oqaaseqanngitsortatsinnut isumaginnilluarnerput. Ulluinnarni oqaatsivut tamangajaasa qallunaatuunngortiinnanngilavut, aviisini radiomi, allaffeqarfinni politikkikkullu oqallinnerni, Inatsisartunut qinersinissamut qinigassanngortittoq kiisalu politikkikkut misilittagartooq Siumumit Lars-Emil Johansen Facebookimi quppernermini allappoq, nangillunilu:
- Aammattaarli qallunaatuinnaq oqaasilittavut qineqqusaarnermi isumagilluartarpavut, immikkut aallakaatitassiorfigalugit qallunaatut qineqqusaarluta, naak tamatta qallunaatut oqallorissuinnarsuunngikkaluarluta ilungersorluta qalluaatut oqallinniarsuaartarpugut. Takorloorsinnaaviuk Danmarkimi taamatut iliortoqartoq - folketingimut qinersinissaq sioqqullugu kalaallisut oqallittunik DR-TV-mi TV2-milu aallakaatinneqartumik - kalaallit Danmarkimiittut qallunaanit Nunatsinniittunit marloriaammik amerlanerusut immikkut sulissukkumallugit?