Inatsisartut
Oqaatsit pillugit Inatsisartuni oqallittoqarpoq
Politikerit Partii Inuit peqataanngikkaluartulluunniit qanoq ilinikkut kalaaliviusoqartarnera oqaatsit pillugit oqallinnermi ikummarissaallutillu assortuussutigisinnaavaat
Kalaallit oqaasii pillugit Inatsisartuni oqallineq ilaatigut sakkortusaarfiusumik – ilaatigullu misigissutsitigut attortiffiusartumik – kalaallit oqaasii pillugit oqallinnermi. Tassungalu peqqutaasoq tassaavoq, nioqqutinik nittarsaassisarneq aamma nalunaaqutsersuisarneq pillugu Inatsisartut inatsisaata pillugu siunnersuutip, siunnersuutip naammassineqaliivinnerani allanngortinneqartup, taamaalilluni ussassaarutit kalaallisut allagartalersorneqartannginnissaat piumasaqaataajunnaarsillugu, oqallisigineqarluartartup oqallisigineqarnerani.
- Politikerit akuliuttussaanngillat, suliffeqarfiit namminersortut niuernermillu ingerlataqartut nioqqutiminnik ussassaarillutillu qanoq ingerlatsinissaannut, Demokraatinit oqaaseqartoq Michael Rosing oqarpoq.
Nunatsinni suliffeqarfiit niuerner- mik ingerlatsisut inuussutissarsior- nermut naalakkersuisup Vittus Qujaukitsup atorfilittaasalu inuussutissarsiutinik ingerlatsisut nittarsaassinermut inatsimmi oqaatsitigut piumasaqaatinik qasukkaamisitsinissamik kissaataannut tusaaniarsimanerat naammagisimaarpaat.
Inatsisartunili oqallinneq ernumaammisaarnermik pilersitsivoq. Naalakkersuisummi amerlanerussuteqalersinnaapput.
- Siumumi, Partii Naleqqami IA- milu oqaatsinik piumasaqaatit sukateriffigineqaqqinnissaannik isum- mat inuussutissarsiornermut annertuumik kinguneqarsinnaapput, Karsten Lyberth-Klausen uparuaavoq.
Taanna Kalaallit Nunaanni Inuussutissarsiortuni (GE), sapaatip-akunnerata naanera kingulleq tikillugu Kalaallit Nunaanni Sulisitsisut Peqatigiiffiannik (GA) ateqarsimasumi, allattoqarfiup pisortaraa.
Oqaatsit pillugit piumasaqaatit sooq kinguneqartitsisinnaanerat aamma partiit assigiinngitsut isummersornerat pillugu aviisimi AG-mi sapaatip akunnerani matumani saqqummersumi atuarneqarsinnaavoq. Aviisi ataani pisiarineqarsinnaavoq: