Oqaatsit

Oqaatsinik katersuisoq

Innuttaasut postkortimik akeqanngitsumik kalaallit oqaasiinik Oqaasileriffimmut nassiussisinnaapput

Postkortip saqqaa

Januaarimiit marsimut oqaatsinik Oqaasileriffimmut nassiussisoqarsinnaavoq postkorti, Sinerissami Tele-Postip centeriini tamani pineqarsinnasoq, atorlugu.

Kikkut tamarmik oqaatsinik postkortimut allallutik akeqanngitsumik Oqaasileriffimmut nassiussisinnaapput, tamakkualu databasemi katersorneqassapput.

Innuttaasut peqataatillugit

– Periuseq tamanna siusinnerusukkut misilissimanngilarput. Siunertaavoq kalaallit oqaasiinik katersuinermi innuttaasut peqataatinnissaat, allattoqarfimmi pisortaq Katti Frederiksen tusagassiorfinnut nalunaarutikkut nassuiaavoq.

Oqaatsit nassiunneqartut assersuutigalugu tassaasinnaapput oqaasitoqqat qanorlu isumaqarnerat, oqaatsit nutaat, oqaatsit nalunaarsorsimanngitsut, sumiorpalussutsit il.il.

Kortit 5.000-t

Postkortit katillugit 5.000-t naqitertinneqarsimapput, Tele-Postillu aningaasaliineratigut kortit akeqanngitsumik nassiunneqarsinnaapput.

Powered by Labrador CMS