Oqaatsinik ilisimatooq: Tuluit oqaasiisa kalaallit oqaasii akoorsinnaavai

Inatsisartuni naalakkersuinermik suliallit amerlanerussuteqarluar­tut isumaqarput tuluit oqaasii meeqqat atuarfiani qallunaat o­qaasiinit salliutinneqartariaqartut.

Taamatut pilersaaruteqartoqar­ nera Kalaallit Nunaanni oqaatsi­nik ilisimatuut siuttuata Oqaasile­riffimmi siunnersortaanerup Per Langgårdip mianersoqqusinera­nik kinguneqarpoq.

Kalaallit oqaasii
- Tuluit oqaasii salliutinneqas­sappata tamanna kalaallit oqaasii­nik aseruisinnaavoq utertinneqar­sinnaanngitsumik. Tassalu kalaal­lisut ilinniartitsineq pitsanngortinniarlugu annertuumik iliuuseqar­toqanngippat, AG­-mut oqarpoq.

Oqaatiginiarpaa tuluit oqaasii inuiaqatigiinni annertuumik ator­neqareersut.

Sissuinngikkaanilu ajorluinnartumik pisoqarsinnaa­voq kalaallillu oqaasii akoorneqa­lerlutik.

- Tuluit oqaasii mattussinnaan­ngilatit. Nunarsuarmi tamarmi taamaappoq. Ukiuni makkunani oqaatsit tamarmik annertuumik sunnerneqarsimapput internet peqqutigalugu. Taamaattumik ka­laallit oqaasiisa aalajangiusimanis­ saat aatsaat taamak pingaartigiler­poq ilitsoqqussaralugulu oqaatsi­nik ilinniartitsineq nukittorsarlu­gu, oqarpoq.

Allaaserineqartoq AG-mi sapaatip akunnerani matumani saqqummersumi atuarneqarsinnaavoq. Aviisi uani pisiariuk:

AG Uge 49 2016

Klik her for at læse