Arnanut

Oqaatigiuk – pitsaanerussaaq

Arnatsialak 2016”-mut innersuunneqarsimasut ilaat Krissie Berthelsen Winberg naapipparput, taassumap kattuffik meeqqanut saaffiginnittoq Nanu Børn aallarnerpaa.

Krissie sutorniartarfimmit Café Esmeraldamit igalaakkut avammut itsuanisaarpoq. Ullaajuvoq sutorniartarfillu imerniartarfiup qaliani inissisimasoq ammaqqammerpaa. Qaammat naasimammat inuit sutorniartarfiup eqqaani aalakkuttut takussaapput, ilai atisaminnut quinikut ilailu napasinnaanatik paarngortariaqartut.

Krissie assut tupallunilu annilaarpoq. Tassami inuit nangaanatik saneqquaannarput. Ikiuinngillat. Inuiaqatigiinni naliginnaalersimavoq inuit aalakoorlutik imminnut aqussinnaanatik sumi tamaani paarngortut takussaasarnerat.

Paarngortummi meeraanikuupput ikiortissaminnik amigaatillit, meeqqat sumiginnagaanikut, meeqqat qamuuna anniaatillit, Krissie eqqarsarpoq.

- Uanga nammineerlunga nalunngilara angajoqqaamik imerajuttumik inooqateqarneq, inersimasunngujaarpallaarneq, tassami ataataga Danmarkimiittoq imerajuttuummat. Nalunngilara qanoq ikiorneqarsimanerlunga, uangalu nammineq aamma ikiuerusuppunga, Krissie nassuiaavoq.

Peqatigiiffik namminneq kajumissusilinnit ingerlanneqartoq Nanu Børn Krissiep aallarnerpaa. Taannalu peqatigiiffik Kalaallit Nunaanni ilaqutariiit meeqqallu atugarisaannut siuarsaasuuvoq.

Allaaserisaq Arnanut aviisimi kingullermi saqqummertumi tamaat atuaruk.

Powered by Labrador CMS