Oqaatsit
Oqaasileriffip ilitsoqqussaralugu oqaatsit ulluat malunnartinniarpaa
Nunat tamat akornanni ilitsoqqussaralugu oqaatsit ulluat marlunngornermi Nuuk Centerimi malunnartinneqassaaq
Aqagu marlunngornermi 'nunat tamat akornanni Ilitsoqqussaralugu Oqaatsit Ulluat' nunarsuaq tamakkerlugu malunnartinneqassaaq.
Maani Nunatsinni malunnartinniarneqarnera Oqaasileriffimmit aaqqissuunneqassaaq. Tamanna Nuuk Centerimi pissaaq.
Ukioq manna UNESCO-p qulequtsiussaa tassaavoq: 'Oqaatsit assigiinngitsut atorlugit ilinniartitaaneq aqqutigalugu siunissaq patajaatsoq'.
UNESCO-p generalsekretæriata Irina Bokovap ullormi oqalugiaataa atuarneqassaaq, oqaatsinillu allanertanik saqqummiisoqaqattaassaaq.
Saqqummiisut ilaat makkuninnga oqaaseqartuupput: koreamiusut, russisut, svenskisut, tunumiusut il.il. Erinarsorlutik, nipilersorlutik, alikkusersuissapput Kattie Egede Motzfeldt, Lone Josefsen aamma Jaqqa P. Josefsen.
Aaqqissuussineq Oqaasileriffiup, Groenlandicap Nunatta Atuagaateqarfiatalu aaqqissugaraat.