Skip to main content

Oqaasersiat oqaatsivut paasiuminaallisittarpaat

Oqaatsinik pikkorissaanerup nutaap kalaallisut ukkataraa, taamaalilluni qallunaanit tulunnillu oqaasersiat atorneqaratik kalaallit oqaasii eqqortut atorneqassammata.

Oqaatsinik Pikkorissaavik kalaallisut pikkorissaanermik nutaarluinnarmik neqerooruteqarniarluni aalajangiuppaa, taanna ilitsoqqussaralugu oqaasilinnut sammisumik, attaveqaqatigiinnermik paasitsiniaasarnermillu suliaqartartunut sammitinneqarluni.

Kalaallit oqaasii allamiut oqaasiinit sunnerneqaleriartuinnarnerinik tamanna pissuteqarpoq, ilaat allamiut oqaasiinik akoorilersimallutik.

Oqaasersiat takussaasut

- Oqaasersiarpassuit oqaatsini saqqumisarput, naak kalaallisut taaguuteqartinneqaraluartut. Pisortat paasititsiniaanerat aamma inuit attaveqaqatigiittarfii ingammik kalaallit oqaasiinik kimikillisitseqataapput, Oqaatsinik Pikkorissaavimmit tusagassiuutinut nalunaarummi tamanna allaqqavoq.

- Nammineq ilitsoqqussaralugu oqaatsit atorlugit erseqqissuliorniarnermi pitsaasuunngilaq nuna allamiut oqaasiinik akoorilluni oqaluttarneq, anngukkusutaq paasinngitsoorneqarsinnaasarmat. Tamatuma saniatigut oqaatsitta sannaannik aaqqissuussaanerannillu eqqunngitsumik kukkusumillu atuilluni oqaluttoqartalernera malunnarluinnarsisimavoq, ingammik nuna allamiut oqaasiinik akoorilluni attaveqaqatigiinniartarnerni. Nammineq ilitsoqqussaralugu oqaatsitigut attaveqatigiittarnerni eqqummaarinneq malussajanerlu pingaaruteqarluinnartuupput, tamannali ullutsinni nuna allamiut oqaasiinik akoorinerujussuarmi eqqumaffigineqarunnaalersimavoq, oqaatsit sannaat aaqqissuussaanerilu torinngitsumik akoorneqarneri peqqutaallutik, Oqaatsinik Pikkorissaavimmi kalaallisut ilinniartitsisoq oqarpoq.

Oqaatsinik pikkorissarneq immikkoortunut agguagaavoq, siullermillu Sisimiuni 18. februar ingerlanneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER