Skip to main content

Oqaaseqaat: Eqqortumik qinersineq

Tusagassiuuteqarfiup pisortaa: Siumumi eqqissilluni sulineq maanna aallartinneqartariaqarpoq

- Qinersilluarneq. Eqqortumik qinersineq. Naak Kim Kielsenip partiimini ilungersunartorsiorsimangaluarluni, atituumik naalakkersuisoqatigiinnermik pilersitsisimavoq, naalakkersuisoqatigiilli unammilligassat pingaarutillit pineqartillugit, aaqqiissutissat isumaqatigiisutiginiartussaavaat: Akiligassat qaffakkiartortut isertitallu ikiliartorlutik.

Kielsenip suleqateqarsinnaalluni takutereerpaa. Politikkikkut sangujoraartumik ingerlatsinissaq pinaveersaartinniarlugu, pisarialimmik eqqortuliorneq.

Oqartoqartarpoq silatusaarneq ajungaasoq misigissutsillu ajorsarlutik. Namminiilivinnissap sulissutigineqannginnianngilaq. Killormuanilli anguniangaqarnerusumik pisussanngorluni. Oqinnersiuvingaluarnerimmi naggataani ajorneruliinnartarput.

Siumumi amerlanerussuteqarluartut namminniilivinnissamut sulineq tuaviupiluttumik ingerlanneqarnissaanut naaggaarput.

Allammi aamma misileraaneruinnassapput.

HS-Analysillu apriilip qaammataata aallartilaarnerani isummanik paasiniaanerani erserpoq amerlanerussuteqarluartut inuuniarnikkut atungaqarisat aatsaat ajorseriassanngippata namminiilivinnissamik kiissateqartut. Taamaasilluni Kielseni partiinginnarmini pinnani inuiaqatigiillu amerlanersaasa apeqqummut taperserpaat.

Naak Kielseni Siumumi siulittaasunngorniunnermi taasisinnaasut affaat sinnerlugit ajungassutigingaluarai, ajornartorsiutit suli taakkuupput. Siulittaasunngorniunnermimi kinaluunniit ajungaasimangaluarpat ajornartorsiutit taakkuussungaluarput.

Suliffissaaleqisut amerlapput, meeqqat atuarfiisa qaffasissusaat appasippoq, atungassarititaasut amiilaarnaannartumik takussunarput, nunaqarfiillu inuerukkiartorneri maannangaaq iliuuseqarfigineqartariaqarlutik, tassa unammilligassat ilamininngui taaneqarsinnaasut.

Suliassat utaqqipput, neriuutigisariaqarparpulli Siumumi eqqissisimasoqalernissaa, aqutsisummi eqqissillutik suliaminnik tamaviaarussisinnaaniassammata. Taamaattoq aaqqiiniartoqartariarpoq. Ulluni tulliuttuni pinissaa ilimananngilaq. Takkukkumaarporli.

Siumumut innarliinerit isumatoqimmata toqqorterniarneqarsinnaanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER