najugaqarneq
Ombudsmandip ineqarnermut naalakkersuisoqarfik isornartorsiorpaa
Inissiat pillugit Kommuneqarfik Sermersuup tarnikkut napparsimasunut innersuussutigisassanngikkai Naalakkersuisoqarfiup ataatsimut nalunaaruteqarnera Ombudsmandip isorisarialittut isigaa
Tarnikkut napparsimasut Kommuneqarfik Sermersuumi ineqartarneranut suliami Inatsisartut ombudsmandiata Vera Lethip Ineqarnermut Naalakkersuisoqarfik isornartorsiorpaa.
Ineqarnermut Naalakkersuisoqarfiup suliat pineqartut attartortunut tarnikkut napparsimasunut tunngasut arlallit tunngavigalugit Kommuneqarfik Sermersooq nalunaarfigaa inissiat taakku kommunip taamaallaat angalaniarnikkut innarluutilinnut tarnikkut napparsimasuunngitsunut innersuussutigisinnaagai, taanna KNR-imi saqqummiunneqareerpoq septembarimi.
Suliaq Ombudsmandip tusagassiuutitigut eqqartuineq pissutigalugu eqqumaffigilerpaa, misissorniarlugulu aalajangerluni.
Inissiat pillugit Kommuneqarfik Sermersuup tarnikkut napparsimasunut innersuussutigisassanngikkai Naalakkersuisoqarfiup ataatsimut nalunaaruteqarnera Ombudsmandip isorisarialittut isigaa.
- Tamatumani manna pingaartillugu isiginiarpara, tassalu piumasaqaat pineqartoq (oqaaseqaat oktobarip 21-aneersoq) - tarnikkut napparsimasunut ataatsimut tunngasuusoq - ingerlatsineq pillugu inatsiseqartitsinermi naligiimmik pinnittarnermik nalinginnaasumik tunngavimmik taassuma innarluutillit pillugit Isumaqatigiissut tunngavigalugu paasineqarnissaanik unioqqutitsinertut isigineqartariaqartoq nalilerpara, ombudsmandi ilaatigut oqaaseqaateqarpoq.
Oqaaseqaat uani atuarneqarsinnaavoq