politi
Olsvig: Assigiinngitsunik akissarsiaqartitsineq atorunnaassaaq
Tikisitat najugaqavissuniik akissarsiaqarnerusarput. Inatsisinutn atuutsitsinermut Naalakkersuisup Sara Olsvig-ip tamaanna aaqqikkusuppaa.
Sara Olsvigip Partii Naleqqap Inatsisartuni ilaasortaatitaanut, Anthon Frederiksenimut, akissuteqaammini apeqqutigineqartoq danskit justitsministerianut oqaloqatigiissutiginiarlugu paasissutissiaraa.
Aamma atuaruk: Politiit akissarsiaat qassiiliuutaasut
- Naligiissitaaneq Naalakkersuisunut isumaqarpoq, assigiinngisitsisoqassanngitsoq. Naalakkersuisut naligiissitaasoqarnissaa pingaartittupilorujussuuaat. Taamaattumik Naalakkersuisut danskit inatsisinik atuutsitsinermut ministeriaqarfik tulliani ataatsimeeqatigilerpassuk naligiinngitsumik aningaasarsiatigut pissuseqartoqarneranik suliaq qaqikkusuppaat, Sara Olsvig paasissutissiivoq.
Assersuutigalugu politiit Danmarkimiik tikisitat ukiumut 50.000 koruuninik tapisisarput, tamanna Anthon Frederiksen-imit naapertuussorinnginneqarpoq.
Maleruaqqusat marloqiusat
Politiit Nunatsinni Danmarkimiluunniit najugaqarunik inatsisit atuuttut malillugit akissarsititsisoqartarpoq skalatrinillu assigiinngissuteqarput.
Politiit politiinngorniallu 154-it akornanni 23-it tikisitaapput.
"Nutaanik pissarsinissaq "
- Amerlassutsit kissaatigisatsitut ipput. Tassami aamma aaqqissuussaanermut politeeqarfinnit allanit nutaanik pissarsinissaq aamma peqqinnartuummat, Bjørn Tegner Bay, AG aviisimut oqarsimavoq.
Politiit kattfianit Danmarkimilu naalagaaffimmi oqartussanit akissarsiat isumaqatigiinniussutigineqartarput.