Projekt Newport
Ole Dorph: Naalakkersuisut takorluugaqanngillat
Qaasuitsup Kommuniani borgmesterip Naalakkersuisut pilersaarummut Projekt Newportimut isumaqataanngimmata sakkortuumik isornartorsiorpai
Qaasuitsup Kommunia Danmarkimilu siunnersuisartut suliffeqarfiat ilisimaneqarluartoq peqatigiillutik ukiuni pingasuni-sisamani kingullerni Ilulissani mittarfiup 2.800 meterinut tallilerneqarnissaanik kiisalu mittarfimmi atortorissaarutit pitsanngorsarnissaanik pilersaarummik suliaqarput.
Pilersaarut aallaavittut avataanit aningaasalersorneqartussatut naatsorsuutigineqarpoq.
Isuma allanngortoq
- Naalakkersuisut siulittaasorisimasaat Aleqa Hammond (S) Namminersorlutillu Oqartussani atorfillit suleqatigilluarpavut. Ajoraluartumilli Kim Kielsen siulittaasunngormat isuma allanngorujussuarpoq, Ole Dorph nassuiaavoq.
Taanna isumaqarpoq naalakkersuisut atorfillillu nutaat mittarfimmik talliliinissamut akuersaanngitsut. Newportikkormiut naatsorsugaannik 8-10 procentinik qular- naveequsiinissaq aningaasanillu iluanaarnissap inuiaqatigiinnut akisuallaarnissaa Naalakkersuisut itigartitsinerminni tunngavilersuutigaat.
Borgmesterip oqariartuutigisai Sermitsiami atuarneqarsinnaavoq. Aviisi ataani pisiariuk: