kommunimut qinersineq
Ole Dorph borgmesteritut tunuassaaq
Qaasuitsup Kommuniara avinneqarnerani Ole Dorph kommunalbestyrelsimut qinigassanngortissanngilaq. KNR taama allappoq.
Annonse
Ole Dorph (S) borgmesteritut tunuarpoq. KNR taama allappoq.
Aammattaaq kommunip nittartagaani qinigassanngortittut allattorsimaffiani allaqqanngilaq, atorfilittallu borgmesteri taamaatittoq KNR-imut uppernarsarpaa.
Taamaattorli ukiup naanissaata tungaanut borgmesteriuinnassaaq, Qaasuitsup Kommuniata avinneqarnissaa pissutigalugu ikaarsaariarnermi ataatsimiititalianut qinersisoqartussaammat.
Ole Dorphip tunuarnerani taamaalilluni Siumumit borgmesterit malunnaatillit marluk tunualerput. Hermann Berthelsenip siusinnersusukkut Qeqqata Kommuniani borgmesteritut ingerlaqqinniarani nalunaarutigereerpaa.