Ole Berthelsen suliffimmini ukiunik 50-nngortorsiortoq

Ole Berthelsen Royal Greenlandip Sisimiuni tunisassiorfiani 1964-imi sulilerpoq, ullumilu tallimanngornermi suliffimmini sulisimanerminik ukiunik 50-nngortorsiorluni.

RoyalGreenland.gl allappoq.

Ole Sisimiuni tunisassiorfik 1964-imi ammarmat Sarfannguaniit Sisimiunut suliartoqqusaasimavoq.

- Tunisassiorfik aallartimmat suliartoqqugaminnga, tassalu taamanili tassani sulivunga. Sulisoriinnarusuppannga pilersaaruteqanngilanga soraarninngornissannik, Ole oqaluttuarpoq.

Aasaru Ole juulip qulingiluaani 73-inik ukioqalissaaq. Ukiut ingerlanerini aalisakkerisutut suleriarluni, maanna tunisassiornermut poortuutissanut toqqorsivimmi akisussaasuuvoq, aammattaaq qerititsivimmi sulisuulluni.