OL-imi peqataanikoq Vild med Dansimut peqataalersoq
Vild med Dans nutaaq aallakaatinneqalerpat Laila Friis-Salling peqataassaaq
Laila Friis-Sallingip ukiaru kamippaat sisoqqatit qittasinik taarsissavai. Tassami 33-nik ukiulik freestylerluni sisorartartoq Vild med Dansimi peqataassaaq. TV2 nittartakkamini taama allaaserisaqarpoq.
Laila Friis-Salling februaarimi sisorarluni halfpipemi Pyeongchangimi ukiuunerani olympiadertoqarnerani peqataavoq.
Maanna qitilluni unammissaaq.
- Sorusukkaangama tunuarsimaarnanga taamaaliortarpunga. Nutaamik misiliinissannut ammajuaannarpunga, taamaattumillu ‘Vild med dans’-imut peqataanissannut akuersivunga, taanna TV2-mut oqarpoq.
Taassuma angajoqqaavi OL-imut isiginnaariarnikuupput, timersortartumiillu halfpipemiittumut isiginnaartarfimmi pissanganerusimanerarneqarput. Nutaamillu misiliilernerani aamma taamatupajaaq misigisimapput.
- Peqataaniarlunga anaanaga oqaluttuukkakku oqarpoq ‘’åh, nej’’. Maanna pissangaqqittussanngorput, Laila Friis-Sallinga TV2-mut oqarpoq.