Nuutoqqami talittarfik iluarsaanneqassaaq
Nuummi Nuutoqqami talittarfimmi betonngi annertunerusumik iluarsartuunneqassaaq.
Sikuki Nuuk Harbour talittarfimmut meterinik tallimanik takissusilimmut akisussaasuuvoq, ingerlatseqatigiiffiullu katillugu 75 kvadratmeterit iluarsartuunneqarnissaat nalilersorsimavaa.
Sissiukkiaq sinerlugu betonpladit sumiiffinni arlalinni majuartarfinnit ulittartumi tinittartumiillu Nunatta Katersugaasivia sanioqqullugu napisimanngikkunik ajortissimapput.
Iluarsartuussineq
Betonpladit aserorsimasut peerneqassapput. Toqqaviit aamma talittarfiup saava ussiittoqarnersut misissorneqassapput, toqqavillu nutaaq pilersinneqarlunilu isumannaarneqassaaq. Naggataatigut nutaamik qallersuisoqassaaq.
Sikuki suliarinnittussarsioqqammerpoq, iluarsartuussinerlu Nurepa ApS-mit maajip ingerlanerani suliarineqassaaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...