Nuuk
Nuutoqaq pillugu paatsooqqatigiinnerit iliuuseqarfigineqalersut
Nuutoqaq qanoq pilersaarutigineqarnersoq pillugu Kommuneqarfik Sermersooq peqatigiiffillu Nuummit Eqqaamasat pingasunngorpat ataatsimeeqatigiissapput
Peqatigiiffik Nuummit Eqqaamasat, Kommuneqarfik Sermersuumi borgmesteri Asii Chemnitz Narup aamma Teknikkimut avatangiisinullu ataatsimmiitsitaliaq aqagu pingasunngornermi ataatsimeeqatigiissapput.
Imernaq 20-mi Nuummi ataatsimiittoqassaaq.
Nuutoqaq qanoq pilersaaruteqarfigineqarnersoq eqqartorneqassaaq kiisalu paatsooqatigiissimanerit aamma iluarsineqarniassallutik.
Ernumassutit
Amutsivitoqaq peeriarlugu inaanilu sisamanik etagesialimmik hoteliliornissaq pilersaarutit ilagaat, illutoqqat piiariarlugit nutaanik ilaqutariit illui naatsivillit sanassamarneqarput.
Steffen Heilmann, 'Nuummit Eqqaamasassat', oqarneratut illuaqqat plastikkit turistinut tunngasut napparneqassamaarput, aamma allatut inuutissarsiutileqarfiliassat siunertaapput tassa illoqarfiup immikkoortuani oqaluttuassartaqaqisumi sukisaarsartarfigalugulu najortakkami.
Nuutoqqami sanaartortoqarnissaa pillugu akerliusut Facebookikkut atsiortitipput.