takornariaqarneq

Nuup tikinneqartarnera nukittorsarneqassaaq

Sermersooq Business Council Nuummi siunissami takornarialerineq pillugu workshopertitsinissamut takornarialerinermik ingerlatallit aggersarpai

Nuuk takornariaqarfissuanngorsinnaavoq, tamaalisoqassappallu suliniuteqartariaqarpoq. Tamanna Sermersooq Business Council-p, VestNorden Travel Mark Nuummiittup ataani, ukioq kingulleq angallatsitsivinnik misissuinerata takutippaa.

Angallatsitsiviiit Nuummut angallannernik tuniniaanermut atatillugu neriuuteqarluarput. Takornarialerinermillu ingerlatallit suleqatigiillutik angusinnaasaannik, arlalinnik pitsanngorsaataasinnaasunik taakku siunnersuuteqarput.

Tamanna anguniarlugu Sermersooq Business Council ukip tulliani workshopit tallimat ingerlatissavai.

Workshop siulleq ingerlanneqalerpat Michael Bennet & Jake Haupert USA-minngaanneersut Nuummut tikeraassapput. Taakku ingerlatseriaaseq ‘Travel like a Hero’-mik taasimasartik ingerlataraat. Angalanerup inuunermut allannguisinnaanera, isumassarsiaavoq. Colourful Nuuk taamatut inuunermik allannguisinnaasumik pilersitserusuppoq, workshopernermilu ataatsimoorussamik Nuummut takorluukkat suliarineqassapput.

Powered by Labrador CMS