Sermersooq
Nuup qanittuani terianniat
Nuup Nuussuullu akornanni terianniat takuneqarsimapput. Kommuneqarfik Sermersuullu teriannissat perlerorsinnaanerat ernumanartillugu toqutsinniarsaraat
Nuummi innuttaasut maanna kommunimi sulisunik aallaasilisartunik teriannianik qamasunik immikkoortumi pineqartumi piffissami matumani siumugaqarsinnaapput, kommuni ilisimatitsivoq.
Nuup Nuussuullu akornanni Nukissiorfiit qullersaqarfiata eqqaani terianniat takuneqarsimapput.
Perlerortuusinnaasut
Taamaattumik illoqarfiup qanittuani perlerortoqarsinnaanera ernumanarmat Kommuneqarfik Sermersooq sillimarusuppoq.
Kommuneqarfik Sermersooq politiillu suleqatigiillutik suliaq ingerlappaat.
Innuttaasut teriannianik takusaqarunik Søren Christenseni, Kommuneqarfik Sermersuumi ingerlatsinermut aqutsisuusoq sianerlutit attavigissavat, oqarasuaat 55 31 10, kommuni ilisimatitsivoq.
Atuaruk: Kujataani inuit uumasullu teriannianit kiineqarput