Inatsisartuni allaffeqarfik
Nuup ilaani sumiiffiit pitsanngorsartariaqarput
Inatsisartut Allattoqarfissaata sumi inissinneqassanersoq oqallisaavoq
Inatsisartut Allattoqarfissaat sumi inissinneqassanersoq Inatsisartut Allattoqarfiata sumiiffiit pingasut Facebookikkut saqqummiuteqqammerpai.
Sumiiffiilli toqqartorneqarsimasut innuttaasunit isornartorsiorneqarpoq.
Sermitsiaq.AG aamma innuttaasunik taanna pillugu isumasiuititsivoq.
Laila Skytte allappoq:
'Illassanerlunga qiassanerlungaluunniit naluara. Saqqummiunneqartormi pitsaanerusariaqarpoq. Illoqarfiup qeqqani suliffeqannginneq ilaannit ajortutut isumaqarfigineqarpoq. Oqallisigineqarsinnaasummi allat oqallisigineqarsinnaagaluarput, soorlu inissaaleqineq, suliffinnut tunngasut, annersaasarnerit ilaallu.
Inatsisartut siulittaasuata pitsaanerusumik una suliarisariaqaraluarpaa. Saqqummiunneqartormi aviisimut Anders Andimut assinguvoq' Laila Skytte ilaatigut allappoq.
Peter Egede Jeppesenip saqqummiunneqartoq aamma paasisinnaanngilaa.
'Soormita illoqarfiup qeqqani inissisimatinneqassava? Illoqarfimmimi Nuummi akianit akianut 10 minutsit atorneqarsinnaapput. Qinngorpumi inissinneqarnissaa tulluarnerpaassagaluarpoq, tassanimi nutaaliorfiuvoq - isikkivigillunilu.'
'Qaammatit tamaasa amigartoortoqaraangat nutaamik ataatsimiittarfimmik sanasoqarneq ajorpoq, ilaa? Aatsaat sinneqartoorluni ingerlagaanni sanaartornissat eqqarsaatigineqartarput, ilaa?', Kristina Nordby-Rachlitz isummersorpoq.
'Inuiaqatigiinni ajornartorsiutivut iluarseqqaarlugit Inatsisartut Allaffissaannik sanasoqassappat tulluarnerunngila?' Ole Bidstrup siunnersuuteqarpoq.