Nuup Kangerlua

Nuup eqqaani niviarsiaqqat ujaarineqartut suli nassaarineqanngitsut

Niviarsiaqqat marluk Nuup eqqaani ujaarineqartut nakkutilliisunit, politiit angallataannik qulimiguulimmillu ujarneqaraluartut suli nassaarineqanngillat

Politiit angallataat Sisak. Assi toqqorsivimmit

13-inik ukiulik Pivioq Amalie Kajussen aamma 15-inik ukiulik Elisa Egede marlunngormalli sumiiffeerunneqarput.

Politiit taama nalunaaruteqarput. Niviarsiaqqat nakkutilliisunit, politiit angallataannit qulimiguulimmiillu ujarneqaraluarput suli angusaqarfiunngitsumik.

Nuummi politiinit Mikael Kofoed Sermitsiaq.AG-imut oqaluttuarpoq.

Niviarsiaqqat nakkutilliisunit, politiit angallataannit qulimiguulimmiillu unnuaq ujarneqaraluarnerat kinguneqanngilaq.

Ujaarineqartut Nuup kangerluata ilorpiangajaani aalisariarnermi Innajuattup eqqaaniit marlunngornermi ualikkut qimaapput.

Politiit, qatserisartut meeqqallu angerlarsimaffiat niviarsiaqqat attuumassuteqarfigisaat IMP (Inuuneq Meeraq Pinngortitarlu) Nuummiittoq ujaasineq aallartippaat.

Ujaasineq kinguneqanngimmat Nuummi politiit paaserusuppaat inuit niviarsiaqqanik marlunngornerup ualinerata kingorna takunnissimasinnaanersut. Ilaatigut paaserusunneqarpoq niviarsiaqqat taakku arlaannit umiatsiamik ikineqarsimasinnaanerat Nuummut, Kapisilinnut arlaannulluunniit ingerlallugit.

Niviarsiaqqat tungujortumik aappaluttumillu kavaajaqarlutik nunamut niullatsiarnermi qimaapput. Allanik paasissutissanik nalunaaruteqartoqanngilaq.

Nuummi politiit oqarasuaataat normoqarpoq 701448.

Powered by Labrador CMS