Nuup eqqaani nannut

Nuup Kangerluani, Akiani Kanajutsiaat Kanajorsuillu eqqaanni nannut marluk takuneqarsimasut, Aalisarnermut, Piniarnermut Nunalerinermullu Naalakkersuisoqarfiup (APNN) nalunaarutigaa.

Taakku Piniarnermut Aalisarnermullu Nakkutilliisunit alakkarterneqarput. Inuit aavartut eqalunniat allallu nannunut mianersoqquneqarput. Inuit susassaqanngitsut eqqaaniinnissaat kissaatigineqanngilaq, naalakkersuisoqarfik naqissusiivoq.

Nannut piniarnissaat inerteqqutaavoq, Nuummi nannuttassat tamakkerneqareermata, Namminersorlutik Oqartussat ilisimatitsipput. Ajornartoornermi imaluunniit allatut iliorsinnaanngikkaanni aatsaat uumasut toqunneqarsinnaapput.

Nannunik takunnikkaanni, piniarnermut nakkutilliisoq ergerluni attavigineqassaaq, APNN-imi pigaartup oqarasuaataa imaluunniit Nuummi politiit.

Oqarasuaatikkut ammasarfiit nalinginnaasut avataatigut APNN attavigineqarsinnaavoq pigaartup oqarasuaataa normu: 482520 imaluunniit 55 33 42.