immakkut angalaneq
Nuup eqqaani angalasut KNR tusaasinnaalerpaat
Mellembølgemut attaveqaat antennemiit, Qeqertarsuarmi Nuup silataaniittumiit tikillugu ungasitsigusimit tusarnaarneqarsinnaavoq. Kujataani Simiutami attaveqaateqalernissaa amigaataaginnalerpoq
Nuup eqqaani angallammik angalasunut nutaarsiassaqarpoq.
Nuup avataani Kitsissunni mellembølgenut nassitsisaammik ikkussivoq, massakkullu Nuup avataani angalaartut KNR-i 570Khz-ikkut tusarnaarsinnaanngorpaat, Tele-Post ilisimatitsivoq.
Mellembølgemut attaveqaat antennemiit, Qeqertarsuarmi Nuup silataaniittumiit, 300-miit 600 kilometeri tikillugu ungasitsigusimit tusarnaarneqarsinnaavoq, atortut tigooraasut qanoq ittut atornerlugit apeqqutaalluni. Attaveqaat soorunami immap qulaaniit attaviginneruvoq.
- Mellembølgemut aallakaatitsisaatit Qeqertarsuarmi Nuummilu atulerseqqinneqarput. Aallakaatitsisaat kingulleq amingaataasoq Kujataani qeqertami Simiutamiissaaq, junillu aallaqqaataani 2015-imi atulersinneqassalluni, Tele-Postimit oqaatigineqarpoq.