nuuttut nutaat
Nuummiut nutaat tikilluaqqullugit
Kommunip kikkut tamaasa Nuummut tikilluaqquneqartutut misigisimaqquvai - suminngaanneeraluarunilluunniit - taamaattumik sapaatiuppat katerisimaaqatigiinnissamut kikkut tamarmik tikilluaqquneqarput
"Sineriamminngaanniit Tunumiit imaluunniit nunanit allaninngaaniit Nuummut nooqqammerpit - imaluunniit illoqarfitsialatsinni innuttaasuuguit taava nalliortorsiorpalaartumik tikilluaqqusinissamut qaaqquatsigit."
Taamatut kommunip illoqarfiit pingaarnersaanni innuttaasunut sapaatiuppat immikkut pisoqartitsinissamut qaaqqusissutaa nipeqarpoq, kikkut tamarmik illoqarfimmut tikilluaqquneqartutut misigisimanissaat siunertaralugu.
Pisussaq Katuami Pikialaarfimmi sapaatiuppat septemberip 14-ni nal. 13.00 pissaaq.
Borgmester Asii Chemnitz Narup pisumi tikilluaqqusissaaq.
Jens Nielsenip uulianut nappartanik tumerparpaarluni allanillu assigiinngitsunik Saviminernut Eqqaavissuarmiit eqqakkanik atortulerluni nipiliuutinik tusarnaartissavaatigut. Taava aamma illit nipinnik nipilersornermut tassunga niperujooqataasinnaavutit.
Assiliisartut marluk inuit noorlaat kiinaannik assiliiortussapput. Assilisat Nuup Katersugaasiviani saqqummersinneqassapput Kulturip Unnuani januarimi, tassani takutinniarneqassammat Nuup assigiinngiiaartorpassuarnik inoqarnera.
Sila ajussagaluarpat Tikilluaqqusinissarsuaq Nuuk Centerimi pissaaq, kommuni paasissutissiivoq.