Kiassarnermut akit
Nuummiut kiassarnermut marloriaammik akiliisarput
Atassutip naammaginartinngilaa Nuummi kiassarnermik atuisartut aalisakkanik suliffissuit innaallagissamik imermillu akikitsumik atuinerannut akiliisinneqartarnerat
Atassut tunuliaqutaralugu Inatsisartunut ilaasortat marluk Siverth K. Heilmannip aamma Steen Lynbgep ajornartorsiuterujussuartut isigaat Nuummi kiassarnermik atuisartut kiassarnerminnut akisunaarpallaarujussuarlugu akiliisinneqartarnerat, taamaasillunilu ingerlatsivissuit Royal Greenland Polar Seafoodilu, millionilikkaanik kaaviiaartitsisartut, innaallagissamut imermullu annertoorujussuarmik akikilliliiffigineqartarlutik.
Akivinnik akiliisalernissaq anguniarlugu Inatsisartut 2005-imi innaallagissamut, imermut kiassarnermullu assigiissumik akeqartitsinerup, nunami tamarmi assigiissumik akeqartitsisup, atorunnaarsinnissaanut alloriarneq siulleq ingerlappaat.
Innaallagissamut imermullu akikilliliiffigineqarput
Ukiut qulit qaangiuttut nukissamik pilersuinermik selskabip Nukissiorfiit atuisartunut akigititaat suli ikiorsiissutitut tapiissutinik takujuminaatsunik ulikkaarput.
2005-imi politikkikkut aalajangerneqarpoq nunami aalisakkanik suliffissuit innaallagissamut imermullu akikilliliiffigineqassasut - akikilliliissut 77 millioner koruuninik annertussusilik.
Akikilliliissuterujussuit kiassarnermik atuisartunit akilerneqarput, pingaartumik Nuummi, tassani atuisartut 80 millioner koruuninik akiliivallaartarlutik. Taamaasilluhi Nuummi kiassarnermut akiliut akiliussavimmit marloriaammik akisuneruvoq.
Oqaluttuaq tamaat Sermitsiami nutaami atuaruk, taannalu pisiarisinnaavat uani: