Håndbold GM
Nuummiut GM-imi kuultinnanniutissapput
Nunatsinni assammik arsarluni pissartanngorniunnermi arnani aamma angutini NÛK aamma GSS kuultinik ujaminnanniutissapput
Angutit arnallu assammik arsarlutik Ilulissani pissartanngorniunneranni, iligiit sorliit finalissanersut pingasunngornermi aalajangerneqarpoq.
Angutinilu pissanganartumik unammisoqarpoq. Tassami GSS-ip Nagdlunguak' 25-24-imik ajugaaffigaa, taamaalilluni NÛK finalimut anngunniaruni Norsaq HC-mut målinik arfineq-pingasunik isertitseqqaartariaqarpoq.
NÛK målinik arfineq-pingasoqqissaanik ajugaavoq, 28-20, taamaattumillu GSS-ilu finalissapput. Bronzinnanniunnermi Nagdlunguak' Norsaq HC-ilu unammissapput, N-85 Narsameersut aamma SAK Sisimiuneersut tallimaattut inissinniutissapput. Nagtoralik Paamiuneersut unammersuaarnermi arfineq-aappaattut inissipput.
Atuaruk: Timersoqatigiiffiit uku finalimut anngussinnaapput
Ilimagineqartut ajugaarujussuartut
Arnat akornannit timersoqatigiiffiit Nuummeersut, GSS aamma NÛK, sisamanngornernermi pissartanngorniutivinnissaminnut aamma piareerput.
Taakku pingasunngornermi unagamik tamarmik ajugaapput. GSS 48-9-imik Norsaq HC-mut ajugaarujussuarpoq, NÛK 34-10-mik Nagdlunguamut ajugaavoq.
Arnat bronzinnanniunneranni Nagdlunguak' aamma Norsaq HC unammissapput. Kagssassuk aamma Nagtoralik 5-inngorniutissapput.
Atuaruk: Nunatsinni pissartanngorniunnermi unamminerit aalajangiisuusut ingerlanneqassapput
Sisamanngornermi unamminissat:
Angutit:
Tallimaattut inissinniunneq:
- Nal. 14:00: N-85 - SAK
Bronzinnanniunneq:
- Nal. 17.00: Nagdlunguak' - Norsaq HC
Finale:
- Nal. 20.00: GSS - NÛK
Arnat:
Tallimaattut inissinniunneq:
- Nal. 12.20: Kagssassuk - Nagtoralik
Bronzinnanniunneq:
- Nal. 15.30: Nagdlunguak' - Norsaq HC
Finale:
- Nal. 18.30: GSS - NÛK