Nunatsinnit qimaaneq?

- Nuummiit Nuuppunga, uteqqinnaviannginnera qularnanngilaq

Ilinniarneq, ineqarneq, inunnik isumaginninneq pitsaanngitsoq, kammalaatersorneq aamma politikkikkut ingerlariaatsip kamaatigineqarnera ilaatigut Nunatsinnit aallarlutik nuuttarnerminnut pissutaanerarpaat

Titartaasartup Robert Holmenep Kalaallit Nunaannit nuuttarneq pillugu Facebookimi allagaa annertuumik oqallitsitsivoq. Inuit sooq nuuttarnerannik nassuiaatit, inuit assigiinngisitaarnerisulli assigiinngitsigipput. Naak taakku akissutit ukiut tamaasa inuit Danmarkimut nuuttarnerannut pissutaasut kisimiinngikkaluartut, akissuterpassuit suut nikisitsisarnerannik assiliartalersuilluarput.

Aamma atuaruk: - Nuuttartut amerlapput - nunamit inissisimaneq taama ajortigaa?

- Akissaqarunnaarpugut. Naak ilinniaraluarluni suliffimmik iluamik iluameertumik akiliisinnaasumik nassaartoqarsinnaanngilaq. Ilinniarnera naammassigukku nuunniarlunga eqqarsaatigaara, iluamik inuuneqarniassagama (sinaakkutillu) immaqalu meerassama siunissaa eqqarsaatigalugu, Sasja Poulsen assersuutigalugu allappoq.

- Kalaallit Nunaat-ni periarfissat ajoraluartumik killeqarnermik. Sunat tamarmik akitsoraluttuinnarneri amiilaarnarnermik naaggalumi nunamut allamut timmisartorniaraanni akisoqaluni kalaallit nunaanniit Danmark-mut. Aporfissaararpassuit amerlingaarmata ajornartorsiutinngornikuupput assersuutigalugu suliffissaaleqineq inissaaleqineq il. Il., Ove Fabriciussen allappoq.

Atuaruk: Kalaallit 4.000-t ukiut 20-t ingerlanerini aallassapput

Allatulli aamma oqaluttoqarpoq:

Nunannguannut uanga angerlassaanga piareeruma...inuttut suliassakka Nunatsinni (Nuummi) periarfissaqarfiginnginnakkit... kisianni aamma soraarninngortussa DK-mut nuuttartut paasisinnaavakka, Kulo Lone Lynge oqarpoq.

Akisooq
- Kalaallit Nunaanni inuuniarneq akisuallaarpoq. Ineqarneq, nerisassat, attaveqaatit angalanerlu akisupput. Suna tamarmi kisermaassiffiusoq. Danmarkimi periarfissat amerlanerupput, aamma atuarniaraanni ilinniarniariarniaraanniluunniit illoqarfigisaq qimanneqartariaqanngilaaq, Elias Rosing Síngertât Eilbark allappoq, taassuma aamma Danmarkimi suna tamarmi nuannersuinnaanngitsoq maluginiaqquaa.

- Qinngasaarisoqanngippat atuarneq nuannernerusoq, kisianni Danmark qinngasaariffiusorujussuuvoq. Najugara angerlarserfigaara, kisianni illoqarfimmeerpunga Kitaanit matuniarneqartumit. Ikiorneqarniarneq pitsaasuunngilaq, najugaqarniarnerlu akisulluni.

Allan Chemnitzip aamma Danmarkimi suna tamarmi qaamasuullunilu nuannersuinnaanngitsoq aarlerisaarutigaa:

- Danmark sunik tamanik aaqqiissuteqarlunilu pilluarnartutut oqaatigineqartarsinnaavoq. Taamaanngilaq.

Kammalaatersorneq
- Politikerit kammalaatersortut aningaasivimminnik immeerusussusillit, inuiaqatigiit perlilertut. Qanorsuaq suligaluaraanni sulianut sanilliullugu pitsaanngitsumik akissarsiaqartoqartarpoq, Angunnguaq Jakob Berthelsen allappoq.

- Namminiilivikkusunnerpaat amerlaqisut kivitseqataanissartik pilersaaruteqartinnginnamikku timitalernissaalu nalullugu. Akioriinneq sutigut tamatigut annertusiartortoq nuanninnginnami ajoraluartumillu siuttugut aqutsinerloqigamik, Kathrine Najaaraq Schmidt allappoq.

Sooq nuunnerlutit/nuukkusunnerlutit isumaliornerlutit/nuukkusunnginnerlutik oqaluttuarusukkuit allagit: walter@sermitsiaq.ag.

Powered by Labrador CMS