aqqusinikkut angallanneq
Nuummi ullaakkut biilinik angallanneq iluarsiivigineqartoq
Illoqarfiit pingaarnersaanni putorsuaq piffissaligaasumik ullaakkut ammatinneqartalissaaq
Nuummi putorsuup iluarsartuunneqarneranut atatillugu ullaakkut biilinik aqqusinikkut angallanniarneq ajornakusoortorujussuusarpoq.
Atuarfiup ammaqqinneratigut tamanna aamma sunniuteqangaatsiarpoq.
Ullaakkut ammatinneqartassaaq
Aqqusinikkummi angalanermi Qinngorpumit Eqalugalinnguit tungaannut ilaatigut 25 minutsit atorneqartarput.
Tamannali aaqqiivigineqalerpoq, tamanna Nuuk TV-mit nutaarsiassiissutigineqarpoq.
Tassami putorsuaq ammatinneqartalissaaq ullaakkut nalunaaqutaq arfinernit qulingiluat tungaanut aggustip 26-at aallarnerfigalugu.
Ajornakusoorluinnartoq
- Putorsuup ilua asfalterfigineqaleruttorpoq, taamaattumik putorsuaq ammatinneqartalissaaq Nuussuarmit Nuup tungaanut kisimi angallavigilersinnaalersillugu, Kommuneqarfik Sermersuumit Frank Rasmussen Nuuk TV-mut oqarpoq.
Nuuk TV-mit ilanngutassiarineqartoq uani takuuk