Nuuk
Nuummi toqutseriartoqarnerani arnat marluk akuusut
Nuummi politiit arnaq 48-nik ukiulik arnaqamminut savimmik kapoorereersorlu sisamanngormat tigusaraat. Tigusarineqartoq sap. ak. sisamani tallimanngornermi tigummigallagassanngortinneqarpoq
Annonse
Nuummi politiit angerlarsimaffimmi eqqissiviilliortoqarneranik sisamanngormat kalerrinneqarput ingerlaannaq orniguffigisaminnik.
Tikiukkamik paasivaat erngunnerup nalaani toqutseriartoqarsimagaluartoq, tassa arnap 48-nik ukiullip arnaqatini 29-nik ukiulik savimmik arlaleriarlugu kapisimammagu.
Arnaq 48-nik ukiulik tallimanngornermi novembarip 28-ani Nuummi Eqqartuussivimmut sassartinneqarpoq sapaatillu akunnerini sisamani tigummigallagassanngortinneqarluni.
Nuummi politiinit ilanngullugu ilisimatitsitsissutigineqarpoq kingusinnerusukkut eqqartuussivimmi suliassaq nanginneqarumaartoq.
Atuaruk: Nuummi politiit nalunaarutaat