Nuuk
Nuummi tikilluaqqusineq kusanarnerusoq
Illoqarfimmi mittarfeqarfik kusassarneqarpoq
Tikeraartussarpassuit Arctic Winter Gamesimut atatillugu ungasinngitsukkut Nuummut tikittussat mittarfiup illutaanut kusassarneqarsimasumut isersinnaassapput.
Colourful
Nuup qulaaniit assiliartaanik ‘Welcome to Colourful Nuuk’-mik allannilimmik, arsarnernik assilisamik #colourfulnuuk-mik allannilimmik, perusuersartarfiit matuinik Inuk Designimit nutaanik assiliartalersukkanik isaarissamilu allagartamik tikilluaqqussummik naapitassaqassapput.
Sermersuumi Inuussutissarsiornermut siunnersuisoqatigiit kusassaanissamik suliniuteqartuupput.
Maluginiakkat siulliit
- Mittarfiup kusassarneqarnera takornariaqarnermik ingerlatsisunik suleqa- teqarnitsinnut ilaavoq. Ornigassamut ilisarnaat Colourful Nuuk annertuumik suliniutigaarput, taamaattumillu takornariat ilisarnaammut naapertuuttumik tikilluaqquneqassallutik. Avatangiisit nutaat periusissamut ataatsimoortumut ilaapput, takornariat taamaalillutik illoqarfimmik maluginiagaat siulliit pitsaanerusinnaassammata ornigassarlu aallannginnerminni tusarsimasartik ilisarilluarsinnaaneruniassammassuk, inuussutissarsiornermut siunnersuisoqatigiinni siunnersorti Stine Selmer Andersen nassuiaavoq.
Atuaruk: Assiliinermik unammisitsinermi inuit 1.500-t peqataapput
Una allaaserisaq Tamanut Nuuk Ugeavisiminngaanneerpoq. Ataani tuugassaq aqqutigalugu aviisi atuarsinnaavat