Sermersooq
Nuummi Tasiilamilu ulloq unnuarlu angerlarsimaffimmi ikiorteqarneq
Kommuneqarfik Sermersuumi innuttaasut utoqqaanerit pisariaqartitaq naapertorlugu ikiorneqartariaqarput, tapersorneqarnissaq toqqissisimanissarlu pillugit unnukkut unnuakkullu ikiorneqartariaqarput.
Annonse
Kommuneqarfik Sermersuumi kommunalbestyrelsi ulloq unnuarlu angerlarsimaffimmi ikiorteqarnermut 2,5 million koruuninik immikkoortitsivoq.
- Ulloq unnuarlu angerlarsimaffimmi ikiorteqarsinnaaneq uagutsinnut politikeriusunut toqqissisimanarpoq, soorunalimi aamma utoqqartatsinnut. Nuannaarutigivara utoqqartagut pitsaanerusumik atugaqartissinnaaleratsigit, isumaginninnermut suliffeqarnermullu ataatsimiititaliami siulittaasoq, Charlotte Ludvigsen (IA), kommunip nittartagaanut oqarpoq.
Paasissutissiarineqarpoq, taakku 2,5 million koruunit Nuummi sundhedsassistentinut marlunnut peqqinnissamullu ikiortimut kiisalu Tasiilami sundhedsassistentimut peqqinnissamullu ikiortimut matussutaassapput.