politiit
Nuummi talittarfimmi aallaasersortoqartoq
Nuummi talittarfimmi arlaleriarluni igittoqarpalussimavoq. Politiit aallaaserlutik ornigupput. Politiit aalisartumut kalerrisaarillutik igittariaqarsimarpasipput.
Kalerrisaarilluni aalisartup tungaanut igittoqarneranit akunnerit arlallit qaangiuttut Nuummi politiit innuttaasunut naatsukullammik paasissutissiipput.
- Kalaallit Nunaanni politiit Qinngorput aamma Nuummi umiarsualiviup tungaani pisoqarsimanera uppernarsassavaat. Tassunga atatillugu politiit katillugu pingasoriarlutik kalerrisaaralutik umiarsualivimmi igipput. Tassani kalerrisaarilluni iginnerinnaat pineqarput. Inuup umiarsualivik angallammik qimappaa. Suloqqap tungaani igittoqanngilaq. Nuummi innuttaasut angallassinnaanngorput, politiit innuttaasunut paasissutissiillutik allapput.
Takunnittut Sermitsiaq.AG-mit oqaloqatigineqartut naapertorlugit, marlunngornermi ullaap tungaani umiarsualivimmi arlaleriarluni igittoqarpalussimavoq, paasineqartullu politiit aalisartoq umiarsualivimmit qimaasoq unitsinniarlugu kalerrisaarillutik igissimapput.
Nalunaaqutaq 12.30 umiarsualiviup aqqutaani politiit marluk aallaasillit nakkutilliipput.
Politiit aalisartoq sukkasuupilussuarmik qimaalluni umiarsualivimmit umiatsiaararsortut uninngasarfiannit aallarsimasoq, takunnittut Sermitsiaq.AG-mut ilisimatitsissutigaat.
Politiit malersuinerannik takunnittut ilisimatitsissutigaat aalisartoq aallaaseqartoq.
Allaaserisaq ataavartumik nutarterneqassaaq