Nuummi taamaammat aqqusinermi eqqakkat maaniinnarmiipput

Nuummi ulluni makkunani aqqusinermi eqqakkat takuneqarsinnaapput.

Tassami illoqarfimmi eqqagarpassuit aaneqarnissaa assigiinngitsunik pissuteqartumik kinguaattooqqapput, Kommuneqarfik Sermersooq ilisimatitsivoq.

Immikkoortiterineq sivisusartoq
Naak tamakku assartorneqarnissaannut piffissaliussaq eqqorlugu aallartikkaluartoq kinguaattoortoqarpoq. Kisianni igitassat immikkoortiterneqarsimannginneri pissutaalluni, suliffeqarfimmit assartuussisumit immikkortiterneqaqqaartarneri kinguaattoornermut aamma pissutaaqataavoq.

- Taamaattorli tamakku ilaasa aaneqarnissaat kinguaattortussaassaaq qulaani taaneqartut pissutaallutik. Kinguaattoornerlu Kommuneqarfik Sermesuumik atoqqatsissutigissavarput. Aamma neriorsuutigissallutigu ikuallanneqarsinnaasut siulliunneqarlutik assartorneqareerpata ikuallanneqarsinnaanngitsut assartorneqassammata, kommuni tusagassiuutinut nalunaarummi ilisimatitsivoq.

Eqqakkat nammineq igikkit
Kommuneqarfik Sermersuup ilisimavaa, innuttaasut sumiiffiit ilaanni - eqqakkanik aallerfioreersumi - eqqakkanik nutaanik ilioraasartut, taakkulu aaneqarnissaat neriuutigalugu.

- Taakku aaneqarnavianngillat. Eqqakkat assartorneqarnissaannut ulluliussaq qaangiuppat igitassat innuttaasunit akisussaaffigineqalissapput, tassa igitassaqaraanni annertuunik taakku Eqqakkanut Tigooraavimmut nammineerluni assartugassaammata imaluunniit ikuallanneqarsinnaappata taakku illup imaluunniit inissiat eqqaaviinut iginneqartartussaapput, kommuni erseqqissaavoq.

Kommuneqarfik Sermersuup taamaammat, eqqakkat annertuut aqquserngullu sinaanut iliorarneqartartut siunissami assartortarnissaat pisariillisarneqassappat, innuttaasut qinnuigaat ilioraalinnginnermi taakku immikkoortiterneqaqqaartarnissat, eqqakkanillu maagaannaq eqqaasoqartannginnissaa aamma neriuutigalutigu.

Atuaruk: Eqqakkanik suliaqarneq suliffissaqartitsilluartoq