Nuuk
Nuummi suliffeqarfiit akunnerup naanerani saqqummersitsissapput
Inuussutissarsiutinut tunngatillugu 2014-imi saqqummersitsinissap Inussivimmi pisussaaq
'Inussivimmi Niuffannersuaq' suliffeqarfiit 22-t peqataaffigissavaat. Matut ammarneqassapput nalunaaqutaq 10.00 arfininngorpat.
- Niuffannersuarmut iserneq akeqassanngilaq, neriuutigaarput inuppassuarnit ornigarluarneqarumaartoq, aaqqissuisoq Sebastian O. K. Koefoed oqarpoq.
- Inuussutissarsiutilinnit assigiinngitsorpassuarnit - biiliniit timmisartumik ingerlatsinermut piviusuusaartitsissutinik-, amerissaatinik-, pinnersaatinik-, nerisassanik-, siunnersortinnermik- ilinniarfinniillu saqqummiussassalinnit peqataaffigineqassaaq. Allatut oqaatigalugu kikkunnut tamanut soqutiginartoqarpoq, Sebastian O. K. Koefoed oqarpoq.
Aamma ilinniarfeqarfiit ilaat peqataatitsissapput - soorlu Mittarfeqarfiit aamma Imarniarfissuarmik Ilinniarfik.
Anda aamma Hans Jukku
Niuffannersuarmi aamma tusarnaartitsisoqassaaq, tassani Anda Uldum aamma Hans Jukku Noahsen tusarnaartitsissallutik nalunaaqutaq 12-mit 13-mut.
- Meeqqataaq puigorneqassanngimmata nuannersunik assigiinngitsunik ilaatigut pississaarfissualerlugit aliikkusersorneqassapput. Saqqummersitsinerup nalaani naalaarutikkut Ice FM –ikkut nipilersorluni aliikkusersuisoqassaaq.
Arfininngornermi sapaammilu nalunaaqutaq 10.00 ammassaaq.